هيا برا قلنا السلام !! هانا رجعنا يا ولاد الحفيانة حاشى ولاد اللابسين شلايك.
غبنا عليكم برشا و الحق توحشنا السبان و التعليقات الماصته و تطييح المورال أما زادة توحشنا الناس اللي تشجع فينا و صدقوني ما يتعداش نهار ولازم يجينا كلام عزيز غالي يفرهد عاقلب و هو اللي خلانا نرجعو نكتبو و انشاء الله المقالات الجاية تكون في المستوي .
راجعين متحزمين باش نفضحو اللي يستاهل و نحاولو نعملو دزة ولو خفيفة للقضية.
باش نفسر حاجات قبل ما نرجعو نخرفولكم خرايف العادة و العوايد ... قصينا عالكتيبة موش علي خاطر السبان و لا قلت الحياء متاع برشا عباد و لا علي خاطر تطييح المورال ... قصينا وقيت باش نعملو مراجعة لرواحنا و للي نشرناه و اللي في وقت مالأوقات قلق برشا و جرايرو فما شكون منا كلا المصبت ... و الأهم من هذا انو في مدة ولأت مشكل لأمن التشتوشات و اللزبونات ... غصبنا علي رواحنا و قصينا بالرغم اللي صار ...
أما اللي صار لجماعة القيروان و (مروان) و الوبنة الفكرية متاع حميدة لندلسي و محاولت الإنتحار و حبابنا اللي في باريس و الا بروكسيل هانا راجعين باش نحكيو و نفضفضو ... محكيناش في وقتو لبرشا اعتبارات و أهمها أمني أما هانا جيناكم.
مانيش باش نطول عليكم نعرف صيف و رمضان مازال كي وفا و الريق و السهريات و التزبريط و التهريب و اللي لاهي ببوكيمون قو و ... و ... أما مالإخر هانا رجعنا و ما رجعناش أيدينا فارغة
من غدوة يرجعو المقالات والضرب تحت لحزام!
و نفكركم اللي يحب يتحفنا و يكتب معانا مرحبا بيه ساهل برشا يكتبلنا و يحكي معانا و مرحبا بيه و لا بيها و الا بيهم.
mardi 12 juillet 2016
رجعناكم
mardi 17 février 2015
عمليات إيقاف للمثليين و المدافعين علي حقوق الأقليات في تونس الأيّام القادمة
هيّا السلام يا أغلي ناس
اليوم جئتكم ببرشا معلومات و حاجات خطيرة تنجّم تقلب حياتنا الي جحيم ... و بالرغم اللى انا ضدّ الترهيب و التخويف و ديما نقول نصدمو و بڤلا ليها اما جاوني معلومات مؤكدة نهار الأحد اللي فات اللي برشا من المدافعين علي حقوق المثليين تحت التحنديرة و جماعة الداخلية حطونا تحت التصنّت كي العادة و عارفين الناشطين علي حقوق المثليين بالواحد بالإسم و الأنشطة و كلّ شيّ
و الحقّ الشيّ هذا مستانسين بيه اما اللي باش يصير الأيّامات الجاية خطير و الحقّ اللي ينجّمو يحلّلو الوضع الجيوبوليتيكي و اللي صاير في البلدان الأخرا كيما مصر يعرفو آش باش يصير في تونس
نمشيو لحضة لمصر
كي تناكت الدنيا ارهاب و داعش و حماس مالإوّل بداو يبربشو في حكاية الأقباط اما الناس الكلّ كرّزوهم بالدفاع عليهم ... ياخي دوّروها حملة كبيرة علي المثليّين و تناكت الدنيا عالتشش في مصر
نرجعو لتونس و باش نفكّركم اللي ما بين السيسي و السبسي نقطة كهوّ و نحبّ نقلّكم اللي أوجه التشابه عديدة
المدّة هذي العيون متّجهة للإرهاب و التنمية في الجنوب و أحنا لا عنّا كيفاش انّجموا نعملو تنمية و جيشنا لا ينجّم يقاوم ارهاب ... الحلّ ؟ باش العباد ماعادش تركّز ما الشيّ و الكذا هذا هوّ تفعيل الفصل 230 بصفة كلّية و يشدّو شويّة تشش مالڤدم اللي يدافعو علي حقوق المثليّين و يرميوهم في بيت الواوا باش الناس تركّز معاهم و ينساو المشاكل الحقيقية للبلاد ... الكلام هذا حرفيا من عند حبيبتنا في وزارة الداخلية اللي كلّمتني عقاب الليل باش تقلّي ڤطّع نيّك من البلاد و الا برّد وجهك لا تتناك
لولاد أحنا توّا في مرحلة حرجة و ما ناخذو حرّيتنا كان بالدّم و سوم عالي ... كان لا يقدّر الحملة هذي باش تصير و هيّ باش تصير حتّى حدّ ماهو باش ياقف معانا لا أحزاب خاطرهم خايفين لا يخسرو أصوات و لا مجتمع مدني خاطر كلمتهم "موش وقتو" و باش يتّحشالنا
الولاد ديما كنت نحرّض فيكم باش تتكلّمو علي حقّنا و علي الفصل الملعون أما ليوم جيتكم باش نقول رَدُّو بالكم علي رواحكم راهو ماعادش تفدليك توّا
و مناضل و مدافع عن حقوق الإنسان راهو شيّ ما يهمّهم ... يلصّقولك قضيّة مدنية و ديما يمشي
مصادرنا مؤكدة و باش تصير حملة كبيرة علينا ... ردّو بالكم علي رواحكم و كان قعدت أكثر من تلاثة أيّام ما كتبت شيّ ما تنساونيش بقفّة في المرناڤيّة
dimanche 15 février 2015
مراجل ... مسرحيّة تكسر حاجز الصمت عن المثلية الجنسية في تونس
عسلامة يا جماعة!!! كيف إنكم ؟؟ نشالله تكونوا في خيار الخير فرحانين ومتهننين متبيعين النصائح الي قاعدين نهبطوا فيها على موقعنا العزيز. حبيت نعتذر على الانقطاع لظروف مهنية والله لا يعاودو علينا. ايا يا سادة يا مادة يدلنا ويدلكم لطريق السعادة باش نحكيلكم ليوم على رواية ريتها في التياترو والله لآني عارف كان انا فرحان والا حزين بها العمل. انا تفرجت في مسرحية مراجل معناها المر الراجل وهي اقتباس من روايا فرانساوية تخدمت عام 1978 اسمهاla cage au folles
الأبطال متاع مراجل فنانين تونسا فما الصاعدين فما الهابطين وفما الي يتسماو في fin de carrière . ايا فما هيثم الحضيري فنان يهبل مطرب بأتم معنى الكلمة ويتقن الأوبرا متحصل على جائزة مفاتيح باريس الذهبية وممثل مسرحي بارع. وفما محمد الداهش الي انا نعتبر من افرازات الثورة المكبوبة ونشوفو شخص ساذج بعيد عن التمثيل بعد عطارد على زحل
.
وفما طفلة الحق يقال هي موش دونية اسمها عيشة بن عطية اك الي مثلت خطيبة الشكلوا في نجوم الليل هي في طور النمو اما يلزمها برشا خدمة باش تولي ممثلة.
وفما زادة فرخ أسمو محمد أمين السماعلي هذا ينجم يجي ستار متاع بورنو ينجم يجي حوتة في اكواريوم ينجم جرانة في سبخة يجي رادادة وراء الهادي حبوبة اما مينجمش يكون ممثل مسرحي كيف يبدى على الركح وتتفكر الي الركح هذاكا لعب فوقو بن عياد والقصباوي وسي التيجاني بن حمدة (المرشال عمار) وسيدي علي مات فوقو تبدى تتندب وتهبط فيهم حيار وقد ما انت تندب تغرد. الطفل هذا حطوه في دور علاء الدين في مسرحية علاء الدين والمصباح السحري المصباح السحري وهو محطوط فوق طارمة وحدو يمثل خير منو. ودورو في مسرحية مراجل حدث ولا حرج تعرفوه برنامج لاحظات قبل الكارثة هذا لحظات قبل الكارثة والكارثة بيدها و50 سنا بعد الكارثة.
وفما زادة طفلة حلوة وهذي باش تكون من فنانات المستقبل وهي بنت الفنان القدير عبد العزيز المحرزي الطفلة الي خذات دور دعت في مسلسل الزوجة الخامسة.
والغلبة والطامة والمصيبة الي طيحت عليهم الكل والي قد ماريت مانشوفش كيفها لين نموت نحكي بللطبيعة على آزر الزوالي بالحق قداش الفن والا زوالي. السيد هذا قدم في راديو بودورو ما سمعوا حد. مد وجهوا عند علا الشابي الريدو عمرو ماتحل عمل دور في مسلسل متاع رمضان مات البراهمي وماتوا الجنود وعملوا 6 ايام حداد. مثل في نسيبتي العزيزة نسبة المشاهدة طاحت. واتخيلوا الباقي ...
وانا نقول لأزر كيما قال الفاجومي (احمد فؤاد نجم) لام كلثوم : يا ولية عيب اختشي يا شبه أيد الهون دانت الي زيك مشي يا مرضعة قلاقون.
عيب الي تعمل فيه كارك خدام حزام على شركة مناولة
وفما زادة في مسرحية مراجل زوز فنانين قديرين مايختلفوش عليهم زوز هما سي محمد كوكة والسيدة شادية عزوز
سامحوني مانجمش نحكي على المسرحية ماكم تعرفوا ريق حقوق النشر اما ننصحكم باش تمشيوا تتفرجوا عليها وانا متأكد الي برشا باش تفرحهم كيما متأكد الي برشا ناس باش تغششاشهم والي يحب يعرف قصتها قبل ما بشوفها فالمسرح يكتب على Youtube la cage au folles.
انضمو إلينا على فيسبوك
vendredi 13 février 2015
الأمن التونسي في المواقع الإجتماعية grindr Hornet planetromeo
علمنا من مصادر مطّلعة و داخل الجهاز الأمني التونسي انّ ورقت المثليين الجنسيين في صدد الإعداد للعبها كورقة سياسة في صالح أطراف معيّنة و بالرغم من أنّ مصدرنا لم يرد التوضيح أكثر فالرجاء من الجميع توخّي الحيطة و الحذر و عدم التسرّع في إعطاء المعطيات الشخصيّة في المواقع المعروفة و تجنّب الأماكن المشبوهة في هذه الْمُدَّة
و ربّي تستر
lundi 9 février 2015
التقلقيل
ايا يا جماعة ليوم باش نحكي على اهم نقطة تجمع بين كل مثلين العالم الي هي التقلقيل، مافماش مثلي في الدنيا هذي ماعندوش هالهواية وبطبيعة فيها درجات . فما الي نعبروا عليه بتفريغ القلب وغالبا يصير بين زوز قراب. وفما الي يحكي خاطروا ماينجمش يكتم السر اما نيتوا تكون صافية موش عندوا ابعاد عدائية . وفما الي يحكي باش يفرقع علاقات والا لغاية الفتنة وشيء هذا خطير وكان تتفكرو تشة الستوت الي تحكي باش تخلق مشاكل وعرك والي يحب ينشر معلومة والا خبر اي كان يحكيه لتشوشة الستوت بقدرة قادر تسمع بيه تونس الكل قبل اخبار الثمنية.
وفما حاجة وما تلقاها كان في تونس وهذي انا نراها حاجة إيجابية : كان فأما شكون ولا متعايش مع السيدا المعلومة توصل بسرعة اما التعاملات مع الشخص هذاكا ما تتبدلش وساعات يبدا قاعد مع جماعة في طاولة والناس الكل في بالها بيه اما هو مافيبالوش الي هوما في بالهم وهكاكا صاحبنا يعيش عادي بعيد على غزرة الناس الي تحسسو الي هو مسكين ومختلف على الغير. وهوني نشكروا بعض الجمعيات الي لعبوا دور كبير في توعية الناس وحتى الي مامشاش لجمعيات هذام بفضل سرعة التقلقيل تثقف وفهم.
هذاك علاش التقلقيل سكين ذو حدين قد ما ينجم يعمل مشاكل قد ماينجم يعاون.
والمشاكل تنجم تهلك علاقات بين زوز اصحاب والا زور يحبوا بعضهم والا حتى زوز بيناتهم خدمة. وانا واحد من ناس الا خسرت برشا ناس من جرت التقلقيل سوى قلقلوا عليا سوى جاوا قالولي الي فلان قال فيك. بعد بالتجربة و وقت الي لقيت تاليفوني فيه كان نوامر عايلتي فهمت الي يلزمني نكون سيني ميني والهوى مديني.
كيما التقلقيل الإجابي بخلاف الي هو ينجم يمنعنا مالامراض ينجم يمنعنا زادة من خلطة المجرمة مثل واحد زبور يبدا متعدي يحلى في عينك تسال عليه يطلع عامل براكاج قبل والا يطلب عليك 100دينار بعد النيكة كان ماتعطيهش يعمل فضيحة والا وهذي انا تشوفها اهم حاجة التشتوشة تحط في مخها الي هوى عندو 30cm فالآخر يطلعلها باسيف وعندو كعبة كاكاوية وبارشة حكايات من هالنوع.
كيما صار لوحدة حبيبتنا قلقالة جابت فرخ زبور لدار وأمها وبوها راقدين بعد ما كملت قللها خلصني قتلوا ماعندي كان 40د خذاهم وبعد جبد فاليجة من فوق الخزانة وبدا يقيس ويعبي مراول أرماني على دجينات ديازال على برفانات تي راجل يدور في دار عجبو فاز هزو وصاحبتنا تأكل فالكفوف وتبكي بالساكة خايفة لاولديها يفيقوا. برى يازمان وايجا يا زمان يطيح بوحدة صاحبتها فيبالها بالي صار تهزو لدار هو في بالو فارغة بعد ما كملوا حب يعمل الطرح هو بيدو تصيح صيحة يلقى قدامو 4 باندية ينيك طراحة وينكولوا فلوسو وزيد يخرجوه في كلصون.
والحكايات من ها نوع آلاف ماألفة تو نشالله كل مرة نجم نحكيلكم منها حكاية
اما تقلقيل في تونس يشمل جميع شرائح المجتمع التونسي الرجال بين بعضهم يقلقلوا تقلقيل ينجم في بعض الوقت يهد عائلات ، والنساء حدث ولا حرج، الموضفين عندهم التقلقيل يخرب ودمر ناس و هذاك علاش الي المثلين يعتبر كيفهم كيما كل تونسي مواطنين صالحين يخدموا في بلادهم يخلصوا فالاداات ويقلقلوا مليح كيما التوانسة الكل.
tounsy w hbel
انضمو إلينا على فيسبوك
أوّل جمعيّة للمثليين في تونس و الطحين المقدَّس
هيّا السلام انشاء الله أوموركم تكون في الجبن
المقالة الإخّرة اللي كتبناها علي السويدي خير من التونسي ما نالتش استحسان برشا عباد و هذا نضرا لعدّة أسباب !!! فمّا شكون حسّ روحو مستهدف و حسّني نحكي عليه بالرغم ما جبدت حتّي اسم و هنا نقول المجراب تهمزو مرافقو ... و فمّا اللي مشا يجري يسبّ فيّا و يقول اللي انا ما عندي حتّي علاقة بالعمل الجمعيّاتي و ما عندي حتّي علاقة بالتشش و هذا عادي لأنّو هذا هوّ الطحين المقدَّس ... و هاذوما عباد نيّاكة يبيعو بوهم علي مصلحتهم و عايشين بالطحين و للطحين و ما عندهم وين يوصلو و آخرهم خرجة للمغرب و الا لهولاندا يقعدو يحكيو عليها حياتهم الكلّ تقول تولدو غادي
ما علينا من بعابص الكبار اللي باش يعيشو طول عمرهم طحّانة و خلّينا نحكيو علي أوّل جمعيّة للدفاع عن حقوق المثليّن في تونس
نرجع لنفس التقسيم متاع 2006 قبل هالتاريخ النضال ضدّ الهوموفوبيا كان فردي أو شخصي ... محامي يخرج للبنان يعمل تقرير علي فصل العار و الا يتلمّو فلوس بين الكراكة و التشش الصحاح باش يعاونو تشتوشة و الا يهزّواها قفّة في الحبس و الا .. و لحق ما أحلاهم هاك الأيّامات وقتلّي كنّا كعبتين و كعبة و كلّنا يدّ وحدة و برشا لمّات و قعدات متاع الزمن الجميل يا إمّا في البساج و الا في المرسا و الا قربة ... أيّامات حلوة عديناها و يمكن كنت انا أكبر واحد في المجموعة أما كيما يقولو ناس قبل الكبير ربّي و تعدا هالمدّ التضامني و هالمحبة كيما تتعدّي الصنعة من العرف للصانع و برشا وليدات ماللي كانو معانا كمّلو الثنية و برشا منهم اللي خذاتو الدنيا و اللي عرّس
صحيح كنّا شويّة اما كنّا يد وحدة و محلانا
و من 2006 بداو يتنضمو في مجموعات ... و كيما قال ابن خلدون اتُّفق العرب علي ان لا يتفقو
لحق مالأوّل تحسّ اللي فمّا هاك اللحمة مازالت و بداو يكسّرولنا في البطاطة تبدي قاعد في بانوراما لاباس عليك عامل جوّ يفضحوك هاو بريزرفاتيف هاو ليبريفيون هاو درا شنيّة قدّام الناس لكن خدمو خدمة هايلة و عاونو برشا تشتوشات تحكم عليهم و جابو مرّة و الا ثنين محامي باش يدافع عاللي توقَفو بمقتضي فصل العار و لتوّا هاكم تشوفو ما جبدنا كلمة جمعيّة ... هي صحيح فكرة جمعيّة لاهية بالتشش في تونس و تكون تشبّه لجمعية حلم اللبنانية كانت حلم برشا تشش توانسة و قعدنا هكاكة لين جات الثورة ... و كان تحبّو نفكّركم بالثورة و خاصة يوم 14 جانفي اللي كان أوّل ڤاي برايد في تونس ... التزغريط و الدرابو العزيز الغالي و التبزنيس و الشيّ و الكذا
جات الثورة و قلنا كهوّ توّا وقتو و ماعادش فيها و بداو برشا عباد يتلمّو باش يكوّنو أوّل جمعيّة للتشش في تونس و اللي هيّ الموروث متاع سنين خدمة
و تعملت الجمعية و عدت فرحا مسرورا و هاك الجوّ بكلّو
و الجمعية هذي مازالت قائمة الذات لتوّا و مقرّها في الأوراق في تونس اما في ارض الواقع في سوسة
نرجع بيكم شويّة لتالي و بعد ما تكونت الجمعية و كيما قلت بكري اتُّفق التشش ان لا يتفقو استنّاو أوّل أزمة تافهة في هالجمعّة و تفرڤعت الجمعية لتلاثة جمعيّات ... و مصيرهم نهار من النهارات باش يرجعو مع بعضهم
ما علينا قلنا بدينا بجمعية ولّاو تلاثة و التلاثة هاذوكم زادو تقسمو ... منهم اللي تحب جمعيتها متاع لزبيانات برك و كثر التخلويض
و كيما تقول أحلام لا يصحّ الا الصحيح قعدو زوز جمعيات برك موجودين منهم الجمعية الأمّ و اللي نحيّي رئيسها اللي هوّ ولد بلادي و نحبّو برشا و نقلّو ربّي يعينك في البرد
و جمعيّة اخري زادة فيها برشا عباد قدم يخدمو
المهمّ في الْمُدَّة الأخيرة تزادو 4 جمعيات فرد ضربة و الغريبة في الأمر انهم الأربعة طول قالو اللي هوما جمعيات باش تدافع علي حقوق المثليين صحيح نحيّي فيهم شجاعتهم اما هذا اسمو قحب و تمعّش مالقضية و كثرو عشاواتهم و قعداتهم في السفارات
و انا كتشتوشة عتيقة ما يساعدنيش تدافع عليّا جمعيّة متبنيها بيدوفيل و لا داعي لذكر الأسامي و ماناش ناقصين لخبطة بين مثلي و بيدوفيل
نرجع لمقالة لبارح نتمني اللي الجمعيتين اللي هوما الموروث الشرعي و الوحيد للنضال ضدّ الهوموفوبيا يفكّو بلاصتهم و يكتبو و يوثّقو و نستنا منهم شكر خاطرني نخدملهم في خدمتهم و نستنّي ملاحظاتهم باش نحسنو مستوي الصفحة و نطلب من الجمعيات الجديدة باش يقولو باللي تخدم قبل و يطلبو خبرات الناس هاذم و ما يسرقوش خدمة سنين و خاصة ما يهدوهاش
و نشكر العباد الموجودين داخل الصفحات اللي يمدّونا بالتعليقات اللي تصير في الخفاء و نشكرهم علي دورهم الكبير اللي هوّ موش تجسس لكن لمصلحة الصفحة و التشش بصفة عامة و شكرًا
و للحديث بقية
dimanche 8 février 2015
السجن عامين لمواطن سويدي اتهم بممارسة "أفعال مثلية" في تونس
قضت محكمة تونسية، بسجن مواطن سويدي عامين، بتهمة ارتكاب "أفعال مثلية"، في وقت احتج فيه دبلوماسيون من السويد على الحكم بحسب ما أفادت السلطات السبت، وأكدت تونس الحكم، إلا أنها لم تعلق عليه. ودعت الجمعية التونسية لمساندة الأقليات السلطات إلى تغيير القانون ودانت القرار.
حكم على رجل سويدي بالسجن لمدة عامين في تونس لارتكابه "أفعالا مثلية" رغم احتجاجات دبلوماسيين سويديين، بحسب ما أفادت السلطات اليوم السبت.
وقالت فكتوريا بيل المتحدثة باسم الخارجية السويدية إن "السويد أكدت على إيمانها بالحقوق المتساوية بغض النظر عن الميول الجنسية للشخص، بوصفها مبدأ أساسيا للديمقراطية".
وأضافت أنه "في 4 شباط/فبراير صدر على الرجل وهو في الخمسينات من العمر، حكم بالسجن لمدة عامين لارتكابه أفعالا مثلية".
وجاء في تقرير لصحيفة أفتونبلادت السويدية أن الرجل، الذي يعيش في فرنسا منذ سنوات، تقدم باستئناف للحكم.
وتعتبر المثلية الجنسية جريمة في تونس وتصل عقوبتها إلى السجن لمدة ثلاث سنوات. ودعت الجمعية التونسية لمساندة الأقليات السلطات إلى تغيير القانون ودانت الحكم بالسجن على السويدي.
وقالت "هذا قانون يتعدى على الحرية .. وتكرر الجمعية دعوتها إلى إلغاء تجريم المثلية الجنسية".
ونحو ثلاثة أرباع الدول الأفريقية تطبق قوانين ضد المثلية الجنسية.
فرانس24 / أ ف ب
قدّ ما حكينا علي الفصل 230 من المجلة الجزائية ... قانون العار و النافع الله !!! انشاء الله هالقضية يكون ليها دور فعال لإلغاء هالقانون
vendredi 6 février 2015
تعرّض مصوّر الصفحة الي تهديد بالقتل
تعرّض مصوّر الصفحة الذي يتطوّع لنا بصوره لتأثيث الأخبار و المقالات في الصفحة للتهديد بالقتل من قبل شخص منتسب للتيار السلفي و زميله في المعهد و للحفاظ علي سلامة مصوّرنا لن نقوم بالإدلاء بمعطياته الشخصية لكننا نناشد الأمن التونسي اتخاذ التدابير الازمة لحماية الشاب و منع جريمة رهاب مثلية من الحدوث
و نناشد الجمعيات المتداخلة في الموضوع محاولة التدخل لحماية زميلنا في الصفحة
لمزيد المعلومات الرجاء الإتصال برئيس تحرير الصفحة
Lgbttunisiens@gmail.com
jeudi 5 février 2015
الإنتحار
الإنتحار ضاهرة قاعدة تمشي وتكثر بشكل كبير فالاعوام اللخرة ، و الأسباب متنوعة ، وكل واحد و الحالة و الحكاية متاعو ، ونراوها عند كبار و صغار توا
أما نلقوها بشكل أكبر عند الشباب والمراهقين ما بين عمر ال-15 سنة وال-24 ، وبشكل أكبر عند التشش ،
التشش أكثر عرضة للضاهرة هاذي 5 مرات أكثر وبرشة دراسة و إستطلاعات اثبتت الحكاية هاذي زعمة علاش ! فاش قام ؟ وبما اني أنا كنت من هالعباد هاذم نجم نجاوب .
وكيف تجي تشوف هما زوز اسباب :
1- العايلة ناكرة فيهم و عدم تقبلهم.
- التمنييك فالمحيط إلي يعيشوا فيه . 2
بش نبدا ونحكي عالسبب 1 ، برشة تشش إلي ديارهم وصلت نكرت فيهم ، طردوهم ، تضربو ، تمزبلو ، كلاو السب ، وسمعوا هاكالكلام المنيك إلي لكلنا نعرفوه ، في مريض ، مسخ ، و الكلمة إلي لكل نعرفوها .
إلي ما لقا بها وين وهرب ، إلي والديه خرجوه بسيف وتلوحو فالشوارع .
وفالشارع يتعرضوا لعنف معنوي وجسدي ... ويوصل بيهم الحال لمحاولة الإنتحار !
الرفض متاع العايلة وأقرب الناس لينا هو و يقعد ديما السبب الرئيسي المتسبب فالإنتحار عند التشش ، العبد إلي قاعد يحكي تاو مطردتش من دارنا أما وصلت تمنيت الموت خير من إني نزيد دقيقة أخرى في وسط الدار
نظرة أمي إلي تبدلت و ولات تتشوحرلي وتغزرلي بمحقرنية ، وما خلات ما عملت ماشي في بالها ولدها مريض وتحب تعالجوا ، وكلامها إلي عمري ما ننساه " هذا مرض " ولا الاسئلة الفارغة إلي تظهر الجهل متاع مجتمعنا إلي كيف يقول مثلي طول يربطها بالجنس ويحطونا في مرتبة الحيوان كائن يمشي كان بالغريزة متاعو ! الاسئلة متاع : " جربت مع أنثى قبل ؟ تضحي ولا يضحيو عليك ؟ هذا لكل كلام سمعتو من أقرب الناس ليا
هكا علاش نلقى شربان 63 حربوشة أسهل من إني نقعد ونسمع هذا لكل ...
التمنيك فالمدارس هو عامل آخر خطير ، وإنتشار " التجلطيم " فالمدارس الثانوية كبير برشة ! نقول 80% هذا كان مش أكثر تعرضوا للسخرية والمضايقات اللفظية فاللسيات والمكاتب ، ومنهم بطبيعة إلي يتعرض للتحرش الجنسي ومنهم إلي يتضرب ويتعنف ! الصلة بين التجلطيم و ضاهرة الانتحار تقعد راسخة
والحكاية هاذي يتعداو بها التشش إلي تلقاهم بارزين ، التشش إلي تلقاهم يضهرو في صورة نمطية طبيعتو تلقاها انثوية شوية وإلي عبرنا عليه قبل ب " تشتوشة الستوت "
ونتصور لكلنا رينا الحكاية هاذي و هذا كان معشناهش بالطبيعة .
فما أسباب أخرى زادة كيف العزلة إلي هي عادةً تكون ناتجة عن الأسباب 1 - 2
الحاصل أنا وأعوذ بالله من كلمة أنا ، تكتبلي عمر جديد وبعد الواقعة إلي تعديت بها اموري تحلت ، أمي وأصحابي وعايلتي بشوية بشوية تقبلوها الحكاية والحمدلله
الإنتحار عمرو ما كان الحل ، الانتحار للمنيكين إلي تحب تهرب من مشاكلها
الدنيا صعببة أما كل مشكلة و لها حل ، يجي نهار وربي يفرجها ومتكونش العبد المنيك إلي انا كنت 4 سنين لتالي
ولكل أب ولا أم ينجم يكون قاعد يقرا تاو نخللو هاذي :
" ربي والهي العزيز ، اعطنا ما نستطيع العيش به ، لنعطيه بدورنا لمن صارت حياته مختلفة بعد أن فقد أعز الناس إليه
أنا لم اختر اللون البني لعيوني ، والأن أدركت أنه ليس إختيار ابني أن يكون مثلي .
ماذا سيعتقد طفل إذا ما حكمت عليه بأنه من أعمال الشيطان إذا ولد بدون ذراع !
المثلية هي خطيئة ، وكل مثلي ملعون وموعود بالجحيم !
لو أرادوا التغير ، لاستطاعوا التغلب على عاداتهم الشيطانية
لو تخلوا عن ما يغويهم لعادوا إلى طبيعتهم مجددا .
لو فقط حاولوا وحاولوا وقسوا على أنفسهم وجربوا مرارا !
هذا ماكنت أقوله إلى ابني عندما اكتشفت أنه مثلي ، عندما أخبرني أنه مثلي أحسست أن العالم ينهار من حولي
فعلت كل ما بوسعي لمعالجته من مرضه ...
منذ مدة ، قام ابني بمحاولة الإنتحار وقتل نفسه
أشعر بندم عميق لجهلي لقضايا المثليين حينها ، أرى أن كل ما علموني إياه وقالوه لي هو مجرد شعارات غير إنسانية
ولو حاولت أن أتعمق وابحث بعيداً عن ما قد قيل لي .. لو فقط حاولت الإصغاء إلى ابني عندما أفصح لي عن ما بقلبه
لما كنت مليئةً بالندم في هذه اللحظة ، أن مؤمنة بأن الله كان مسروراً بروح ابني المحبة ولطيفة ...
وبأعين الله اللطف والمحبة هما الأساس .
لم أعلم أن في كل مرة كنت ألعن فيها مثليي الجنس ، كل مرة أشرت فيها أن المثلية مرض و إنحراف وخطر على مجتمعنا ...
كنت حينها احطم ثقة ابني بنفسه و اقتل حس الحياة لديه و ابعث بروحه إلى حيث لا استطيع إصلاحها ، لم تكن هذه مشيئة الله
عندما قرر ابني الانتحار ، وموته كان سبب جهل أهله وخوفه من العالم .
كان يريد أن يصبح كاتباً ، ما كان يجب أن تسلب أحلامه وطموحاته منه ولكن للأسف فقد أخذت منه
هناك أولاد مثل ابني من حولكم ، و دون علمكم فهم يستمعون حين تلعنون وهذا سيسكت صلواتهم ...
صلواتهم لله يدعون فيها بأن نتقبلهم ونتفهمهم ونحبهم ولكن حقدكم وخوفكم من هؤلاء المثليين سيسكت دعواتهم
لذا قبل لعن وسب وشتم احدهم في منازلكم و لفظ كلمة آمين في أماكن العبادة ... فكروا ، فكروا وتذكروا ! هناك من يستمع اليكم " - خطاب ماري غريفيث
و في الإخّر ننصحكم باش تتفرّجو في فلم
Prayers for Bobby
مقالة بقلم
Banz'art'y
العثور علي جثّة مثلي محروق بسيدي بو سعيد تونس
تم العثور صبيحة الإربعاء الرابع من فبراير من سنة خمس عشر و ألفين علي جثّة الأستاذ الإيطالي ماسيمو بيفيكا صاحب ال42 ربيعا متفحّمة في محلّ إقامته بمنطقة سيدي بو سعيد
كان السيّد ماسيمو أستاذ لغة إيطالية في جامعة قرطاج و معهد بورقيبة اللغات الحيّة
و وفق التقارير الأوّلية كان السيد ماسيمو علي موعد مع شخص
و قد فتح القضاء التونسي تحقيقا و أمر بتشريح الجثّة لتحديد سبب الوفاة
ماسيمو كان معروفا جدًّا بإيطاليا حيث تعاقد لسنين مع جامعة إيطاليا و ايبرينو و أكمل حياته في سيدي بو سعيد حيث تم العثور عليه جثة متفحمة
حسب التوضيحات المقدّمة من طرف الأمن التونسي فان سبب الوفاة لحد الآن هو الحريق الذي شبّ في منزله و مع تكتّم كبير من الأمن التونسي الذّي لم يرد الجواب علي أسئلتنا
قمنا ببحثنا و سألنا أصدقائه الإيطاليين و جيرانه و أكدّ كلّهم أن الشرطة التونسيّة أكدت حدوث سرقات بالمنزل و انّه وقع التنكيل بالجثّة حيث تم نزع عضوه الذكري (معلومة غير مؤكدة) و قد تمّ طعن الضحيّة أكثر من عشرين طعنة
وأكّد الجيران و أصدقاء الضحية أنّ الأخير عرف بميولاته الجنسيّة
فهل كان الحريق لطمس معالم الجريمة ؟ أم قتل ماسيمو حرقا ؟ هل قتل ماسيمو لسبب ميوله الجنسي ؟ ام نها قضية قتل عادية ؟ و ان كانت عاديةّ لمذا وقع نزع عضوه الذكري ؟؟؟
كثير من الأسئلة نطالب الأمن و القظاء التونسي الإجابة عنها و عدم التكتم مثل العادة علي جرائم رهاب المثلية
Inscription à :
Articles (Atom)