مالا قلنا ثورة الحرّية و الكرامة ؟؟؟
قبل كلّ شيّ نبداو بالتذكير بمعني الحريّة للعباد الناسية ...
الحرية : هي إمكانية الفرد دون أي جبر أو ضغط خارجي على إتخاذ قرار أو تحديد خيار من عدة إمكانيات موجودة. مفهوم الحرية يعين بشكل عام شرط الحكم الذاتي في معالجة موضوع ما و عدم التقاطع مع حرّية الغير ...
بالفلاڤي نيك روحك ... عندك الحقّ تقول اللي تحبّ و تعمل اللي تحب مادامك ما ضرّيت حدّ و الكلمة هذي توّا نرجعولها...
نجيو للكرامة توّا ... الكرامة حَق طبيعي وقيمة مجردة تولد مع تشكل الإنسان وتبقى معه حتى موته. لاعلاقة للكرامة إذا بما يقدمه الإنسان أو بحالة الإنسان, أي كرامة السجين المجرم تعادل كرامة أي إنسان آخر...
هايل برشا و واضح عالإخّر لحدّ هنا !!!
معناها كان ننطلق من عالم مثالي و المدينة المرهّزة لأفلطونس ولد حسونة أنا كفرد تولدت بالكرامة متاعي و عملت ولو بمجهود ضئيل ثورة الحريّة و الكرامة و حشيت صبعي في الحنّة و انتخبت كمشة رهوط كتبولي و كتبو لأولادي دستورهم ... اللي فيه بكلّ وضوح و صراحة التنصيص علي الحريّة و الكرامة و زادة حرّية الضمير ...
و بعد نجي نشوف اللي أنا كمواطن حرّ و عندي كرامتي و راس لمبوط .. مانيش حرّ في بدني !!!! توّا فمّا حاجة شخصيّة أكثر مالبدن ؟؟؟!!!! بالكشي راهنو عند التارزي؟؟ أدين الزَّبّ بدني وانا حرّ فيه ... ننتحر ... نحشي فيه كعبة سفنّارية ... نشلّط روحي ... الخ الخ الخ ... تي ماهو بدني و انا حرّ فيه و ماضرّيت حدّ وإلا كي نعمل الشيّ و الكذا هذا باش نمسّ من كرامتي ؟؟ هيّا صحيح وجهة نظر ... أما آش رحلكم في كرامتي ؟؟؟ ميش كرامتي و انا حرّ فيها !!! و انت تشوف اللي آنا كي نعمل الأشيات هاذم الكلّ هِنتْ كرامتي انا نشوف اللي أنا عزّيتها و قدّرتها ... آش رحلكم فيّا ميش قلتو حرّية !!!
نجي توّا لبلاد قحبستان و توّا مانيش باش نحكي علي برشا ريق ... باش نجي للفصل 230 للمجلّة الجنائية التونسيّة ... اللي باش منقولش عليه يضحّك باش نقول يبكّي برك ... و للناس اللي ماهمش فاهميني علي شنيّة نحكي هاو الفصل:
الفصل 230 يقول بالحرف : "اللواط أو المساحقة (شذوذ) اذا لم يكن داخلا في أيّ صورة من الصور المقررة في الفصول المتقدمة يعاقب مرتكبها بالسجن مدّة ثلاثة أعوام"
آش معناها الكلام هذا !!؟؟ معناها أي ذكر يبوّش مع دكر ..... و الا انثي تبوّش مع انثي يتحشالهم بتلاثة سنين في المرناڤيّة ... و مانيش باش نحكي عالساكس في الحبوسات و العباد اللي دخلت لاباس و خرجة بالسيدا و الإيباتيت سي ... هذا توّا نرجعولو نهار آخر ... و المصيبة موش التبويش برك ... كي تقري "شاذ" بين قوسين .. هذي تعطي الحريّة لقرودة السبسي باش يحشيو أيّ عبد في الحبس خاطرو خنيث والّا لبستو تجلب الإنتباه .. و زادة لأي طفلة مسترجلة ... توّا موش خنّار هذا ؟؟؟؟ تي ويني الحريّة و الكرامة ؟؟؟؟ موش بدني و انا حرّ فيه !!!!
توّا تقلّي عيب و حرام ... لو فرضنا عيب و الا حرام !!! حرام و عيب عندك انت و انا آش مدخلني؟؟؟ و انت شكون كلّفك باش تحاسبني ؟؟؟ ماهو بيني و بين الربّ !!! و انت بآما حقّ تتعدّالي علي حرّيتي ؟؟ ما قلّك حدّ ولّي صاحبي و الا صاحبتي ...
برشا تسائلات تخرّجني ديما بجواب واحد اللي انا عايش في بلاد قحبستان ...
علي فكرة برشا عباد من المثليّين و غيرهم قالولي علاش تكسّر في عصّك و تدافع علي كمشة قحاب نهار كامل يبيعو في بدنهم للشياب و يبزنسو عالماشي و الجاي و يسيّبو في دعارتهم عالعباد في الشارع ...
نحبّ نقلّهم حاجة برك ! قلتولي يبيعو في بدنهم و قحاب ؟؟ موش أحرار في بدوناتهم كيما قلنا !!؟؟؟
و مشكلتكم التبزنيس ؟؟ توّا ولّا التبزنيس مشكل ؟؟؟ تي حياتكم الكلّ تبزنسو و ما حكي معاكم حدّ ... و زيد كي واحد يبزنس طفلة كان تناكت عليه يأكل كفّ ... أما كان طفل بزنس علي طفل .. تنجّم ترصّي لطريحة نبّاش القبور ... كان موش بلاصة في قبر كيما صار قبل ...
بالله كان فمّا تعليقات متربيّة مرحبا بيهم ... و اللي باش يسبّ و الا يطوّل لسانو ... أمّو و حوانت عاشور
انضمو إلينا على فيسبوك
kelamik el kol fi belasseto ama a3tini ach koun yefhmik... wel mochekila el akbar fina a7na... imfartine... nekhamo kan fi tawa mafamach barcha mina ye7ibo yebniw wey9awmo lili jayine ba3dena..weli ghalbo 3aliya akfar hak itar7a eli 7achyine reyousshom fi terab wey9olik ikhtani ana ach dakhalni...
RépondreSupprimer