عبد الله ڤشّ متاع الرجال ، عليّ واكى، حمام الشفاء

المقالة هاذي تاريخيّة و تحكي علي أهمّ زوز معالم تاريخيّة في المدينة العربي تونس ... و المصدر مؤرِّخ تونسي مشهور.

توحدوا الله والي عليه ذنب يقول استغفر الله

 يا سادة يا مادة يدلنا ويدلكم لطريق السعادة حديثنا ترتيب حسين عجيب صلاتنا وصلاتكم عالنبي الحبيب.

 قوم لوط والا اللواطيون والى الاحصنة والا التشش موجودين من اول الدنيا في تونس مالحضارة القبصية للعهد البجبوجي. مثل في حضارة القرطاجية كانوا يتسراو مع العبيد وكانوا يتفخروا بالشيء هذا والوندال الي هوما غزاو شمال افريقا لا  لشيء إِلَّا  (لكبر العضو الذكري) وبعد الغزو الاسلامي العرب كانوا يقولو بالتشتيش اما بالطبيعة يمارسوه في الخفاء. مع الدولة 

العثمانية تكون اول وآخر مخور خاص كن لرجال  في تونس وهو علي واكي 

(l'étage de wakki)

 كان في باب منارة

من أهمّ روّاد علي واكى في الوقت هذاكا هوّ  الشخصية المباشرة الي عاونت على انتصاب الحماية الفرانسوية على الإيالة التونسية وهو كان ثاني رجل في تونس بعد الصادق باي السيد هذا بعد 12ماي 1881 كمل حياتو شبه مجنون في شوارع استطمبول نحكي بالطبيعة على مصطفى بن اسماعيل. في عهد الحماية الفرانسوية تنضم علي واكي وكيف ضهرت البلاد السوري التشش الي في العلي ولا عندهم الحق فالخروج في التروتوار الي كان محصور في شارع جولفيري (الحبيب بورقيبة) والمادة متاع التشش كانت محصورة بين شارع باريس و وزارة المرأة وكانوا العساكر الفرنسيس ما يستعاروش بأنهم يدوروا مع تشش اما التوانسة فكان تبزنيسهم يضحك تلقاه مغطي راسو بالبرنوس والتشة شادة جرتوا.

عاد يرجع علمنا واخبرنا للعلي واش صارلوا بعد لاستقلال وإلغاء الَملكية وإعلان الجمهورية تم تعين الباهي الأدغم وزير لداخلية وأول قرار خذاه هو تسكير العلي و هكّا الكارتي متاع التشش اختفي و الى الأبد اما بقدرة قادر تشش العلي ماضاعوش لكن تفرقوا كيف اولاد الحجلة الي شد يخدم في عبدالله قش يبخر ويغسل الكلاصن و ينظم الصف والي شد نخلة من نخلات محمد الخامس والناس الكل قعدت تمارس في فنها. فما بلاصة اخرى تعرفت وذاعت بالتشش؛ حمام الشفاء كان حمام عادي حتى جات الحرب العالمية الثانية  فالسيد مولى الحمام الي كان مرحب بالجيش الالماني والقستابوا(البوليس النازي) استاذن الألمان لحمام باش يغسلوا بلاش وزاد وفرلهم تشتوشات باش يتفرهدوا فما برشا ناس يقولو ا الي سيد هذا حكيم خاف على النساء التوانسة فخلق الفكرة هاذي. ومن حرب الأمان وحمام الشفاء يمارس فيه فن التشتيش حتى لليوم  بالطبيعة ماتت ناس وجات ناس وناس غير الناس وولى سي الحمام حكر على  حثالة التشش وسقط المتاع و كثروا فيه الطفارة البودوروا والجقوالة الي يعطيو رواحهم على كسكروت والا ملاوي 
شايحة.

يتبع ...ء

مقالة بقلم صديقنا "تونسي و هبل" بتصرّف

انضمو إلينا على فيسبوك 

https://www.facebook.com/lgbttunisiens

عاونونا

عدد الزائرين بدا الأسبوع الأوّل أكثر من 300 زائر في اليوم و بالرغم مالعدد الكبير نسبيا مع عمر الصفحة فإنو عدد التعليقات ما يتجاوزش عدد صوابع اليد الوحدة و زيد عدد الزائرين يمشي و ينقص و هوّ مربوط بالمقالات اذا تنشرو عالفايسبوك و الا لا ... و هكّا لا انّجموا نصلحو رواحنا و لا نتشجعو باش نكتبو ... هذاكا لواش ليوم طالبين من قرّائنا اللي مازالو أوفياء باش ينضمّولنا في الفايسبوك و يعملو اشهار للصفحة زادة و مشكورين

رابط الصفحة: شكرًا 

https://www.facebook.com/pages/%D9%85%D9%88%D8%A7%D8%B7%D9%86-%D9%85%D8%B3%D9%84%D9%88%D8%A8-%D8%A7%D9%84%D8%AD%D9%82%D9%88%D9%82-%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%B1%D8%B3%D9%85%D9%8A%D8%A9/618246998321934

Peace and love... Justinia ...

هيّا قلنا السلام يا معشر التشش ... قلنا كيفنا كيف الأورب عنّا سونا اللي هيّا حمام الشفاء و عنّا تاريخ أغبر و عنّا وين نعملو تروتوار ... آش ناقص ؟

نحكيو عالسهريات و الكباريهات و مقاهي الشاي اللي فيهم برشا تشتوشات ... و لأسباب أمنية و خوفا علي حبيباتنا اللي توّا تلقاهم في بعض كاباريهات سوسة و الا تونس مانيش باش نسمّي حتّي كاباريه يخدم توّا أما خلّيني نرجع بيكم 3 سنين لتالي و نحكيلكم علي زوز بواتات هزّو عرش تونس و نبداو أكيد بالبيس آند لوف في قرطاج و هالمكان العجيب و الغريب هوّ طلعة من طلعات رابح متاع ميتيس ... و هوّ عبارة علي خيمة كبيرة ميش مضخمة برشة اما ياسر كلاس ... و يجيوها التشش من كل برّ ... نعرف اللي يجي من سوسة و من صفاقس و حتّي من جربة باش يسهرو كهو ... و مانيش باش نوصف برشا الكائنات الغريبة اللي تجي تسهر و اللي انا كنت واحد من الكائنات هذي اللي لابس طالون 21 سنتمتر و اللي .. و اللي واللي ... و خلّي عاد هاك السهرات التنكريّة ... اللي يجي بقفطان خالتو و اللي يجي لابس بونيشة و عينك ما ترا الا العجب و كلّ تشّة تحاول تعمل البطيط باش تكون هيّا محلّ الأنظار 

و مابين هالشعب التشتوشي فمّا اللي نسميهم انا جماعة الريشة ... هاذم زويّز و كان تناكت تلاثة ما يحلالهم الرڤيص كان فوق الطواول و يكبّو علي بعضهم في البيرة و يسخايلو رواحهم امّالي البيس تلقاهم يدخّلو في العباد و قبل ما يروحو يبوسوهم هههه و منهم دلّاي و وزّ ... و فمّا زادة اللي يتبهلل و يمشي للبيس هوّا و صاحبو ... و ما توفا السهريّة كان قصّوها و كل واحد منهم روح مع  واحد آخر و هاك البيست دو دونس عاد لا نودكم و لا نشهّيكم ... تقول برتوز أصل

و أقوي حاجة في البيس هيّا البادج متاع السيكوريتي ... تلقاه قدّ الجحش و البادج متاعو فيه الدرابو ڤاي يرفرف ... يا ولا ايام ... ما يتنساوش و بالرغم ماللي قلتو الكل البيس يقعد المتنفس الوحيد للتشش في تونس وقتها و اللي يصير فيه ما ينجّم يصير في حتّي بلاد في الدنيا

التوالات اللي كلّها بزوعات ... و الجيهة اللي من تالي وين تلقاهم مصففين بجنب بعضهم اللي يشيّش و اللي و اللي ... و ضربة ضربتين يطلّ عليهم عبد الله البورتياي و يطردهم من غادي ... تي شي فوق من العقل و صعيب كان تتعاود حاجة كيما هكّا هالأيام للأسف 

وفمّا زادة في سوسة حاجة يقولولها بواطة أما هيّا تجي كل شيّ الا بواطة !! تنجّم تجي صندال ... قفطان اللي تحب انت اما موش بواطة الحاسيلو ريحت البول و الشياط في تدور تشمها و البنية حاضر عليها حنبعل و هاك الزليز عاد صدّقوني مسروق من كرنيش بوجعفر و الفنّ وووووووههههه حاجة هايلة ... سعدك يا لطرش اما هذا جستينيا عندو مهمة اخري موش كي البيس جملة الجڤوالة و التشش اللي يكملو التروتوار في الكرنيش و ما جاهمش رزقهم يمشيو لغادي باش يجربو آخر كرتوشة فمّاش ما يباتو معنّقين 

الحق تشش سوسة يستاهلو بلاصة انظف و خير برشا من جستينيا اما الله غالب ... هاو توّا القعدة ولّات في بلاصة اخري ميش بطالة .. الي ان يأتي ما يخالف ذلك

انضمو إلينا على فيسبوك 

https://www.facebook.com/lgbttunisiens

تشتوشة الستوت

مرحباً بكم في الموقع متاعنا ومرحبا بكل واحد قرا مقالاتي ورحب بالفكرة ومرحبا زادة بالي ماعجبوش المنهج التحريري متاعنا وماذابينا كان تفيدونا بشوية انتقادات هككة نصلحو رواحنا. أيا يا سادة يا مادة يدلنا ويدلكم لطريق السعادة حديثنا ترتيب حسين عجيب صلاتنا وصلاتكم على نبيء الحبيب؛ على عزوزة الستوت، لايرحمها نهار، تموت دخلت من باب المدينة قالت: ما اضيقك يا ملك الله علينا!!! دخلت من عين الإبرة المثنية قالت: مااوسعك يا ملك الله علينا!! عميا طرازة الكتان، طرشة جلابة الخبر منين صار وكان، جرادة زحافت الحيطان... وكيما فما عزوزة الستوت في العالم الاخر فما عزوزة الستوت فالعالم المثني يعني ألك التشة الى تشبك تفتن تقلقل وين فما غلبة اعرفوا الي عندها يد فيها سو من قريب والا من بعيد هذي تخلقت باش تكون شريرة مشومة قرومة وكان يقولولها في الدنيا اخرى اش تكون ؟ تقوللهم كيما انا والا اقوى. وحياتها معبيا بالحكايات وعندها اخبار وتوارخ التشش الكل وديما خايضة والتشش يبداو يتهربو منها ومن مشاكلها. هذي تلقاها من 9 في الحبيب بورقيبة لل23 h يعني تحلو وتسكرو وفالحالة هذي مايفوتها شيء تعدي نهارها من قهوة القهوة وهي تحكي في الفلانة قالت في فلانة عملت في في تمشي لابلاصة اخرى تعرضها فلانة تحكيلها اش حكاتلها الفلانة اي عرضتها قبل بالربع ساعة والفلانة وصاتها وأكدت عليها بش ما تحكي لحد بالإمارة قاتلها: بينتنا !!!!!

ونوع هذا متاع التشش خطير خاترو يعمل المشاكل ويخلق الفتن وكيما تعرفوا الفتنة أشد من القتل. اما باش نفهموا النوع هذا من التشش يلزمنا نعرفو في انا بيئة ترباو وفي أنا ايطار عاشوا: انا عرفت برشة من هانوع وقد ما كنت شادد قدري طالني الطش وما سلمتش من شرهم التشش هاذم 90% منهم تولد وعاش وكبر في حي شعبي ويكونوا في عائلة تفقد الموازين العائلة  المتوازنة تلقاها الام عندها ديما مشاكل مع حماتها ولوزتها وسلفتها وجارتها وحتى كان جاتها كنة والا نسيب تواصل فالمشاكل مع الجيل الجديد والبو تلاقاه يا متوفي يا فالحبس يا يعيش البرة يعني مافماش سلطة أبوية وكانوا موجود تلقاه نكرة. عاد قلنا التشش يعيشوا في مجتمع أنثوي منحط وغالبا أصحابنا هاذم ما يكملوا قرايتهم وباش يعيشوا يتعلموا صنايع نساء كالحجامة والماكياج والطبخ العروبي ماتاع الأفراح والفروقات. اما هذا ما يعنيش الي مشوارهم يبدا كيما اي تشة سوى اغتصاب سوى ولد العم سوى ولد حومة كبير. والتشش هاذم يفهموا في كل شيء كان واحد عندو الجاير يقولوا عليك بالجبن يغلف المعدة، وكان واحد كرشو تجري يقولوا عليك بالنشا يوقف جريان الجوف وكان واحد يتثاوب يقللوا راك منفوس شوف شكون يكركب عليك يعني يفهموا فالطب اكثر مالطبة بخلاف الوصفات العجيبة متاع النفة في الصرة وتكبيس الرأس بالثوم والبن وزيت القضوم. ويعرفوا زادة كيفاش عصيدة الزقوقو تجي في حكارها لاهي جارية لاهي عاقدة وكيف تجي الطنجرة مالحة ترمي فيها كعبة بطاطة باش تشرب الملح وهات من اك اللاوي. وكيف تقعد معاهم ما نستفيد من شيء وزيد يكسرولك راسك بحكايتهم وكان قلت جملة بالسوري يشومولك نهارك (تدلغم بالرومي فاس قام سيدي نبي عربي). اما هذا ما يعنيش الي هوما مايقاسيوش من غزرة المجتمع والعنف اللغوي والمادي وساعة تسمع حكايات يحممو القلب اكثر من الحكايات التجارية متاع الأخوين الشابي. لذا نهارة الي باش المثلين ياخذوا حقوقهم مايزمناش ننساو عزايز الستوت خاطرنا الكل كيف كيف.

انضمو إلينا على فيسبوك 

https://www.facebook.com/lgbttunisiens

من أنتم

وفي الذاكرة الشعبية يقولو الي شارع جون 

جوارس كانوا يعملوا فيه تروتوار وكذالك 

شارع باب بنات وفي باردو كانت قهوة الرولي وفي

المنزه المسلك الصحي وفي سوسة 

الكورنيش وفي بنزرت البونة وفي صفاقس قدام

البلدية وفي نابل الروتوند و فى

المستير على القراعية بالطبيعة أهل الجنوب وما

ادراك ما أهل الجنوب وقاعدتهم

الرباعية التاي والتكروري وترمة في التركينة . وفي

زغوان حمام الزريبة ... واتشيش 

كل واحد كيفاش بداه الي بلعبة هو ولد عمو والا

مع واحد ولد حومتو اكبر من وبرشة 

حالات اغتصاب وبعد كل واحد يكمل ثنيتو. في فلم

الخشخاش متاع سلمى بكار حكات 

حكاية راجل كان يحب الخديم متاعو حكاية ياسر

شبابة وجرت المجتمع والعادات 

الراجل والخديم وحتى من مرت الراجل تعذبو. وفما

زادة فيلم ريح السد زادة التطرق 

للموضوع هذا بطريقة موضوعية . عكس التلفاز

الي يحبوا التشش باش يتمقعروا 

عليهم 

والى يحللوهم تقول فاران تجارب . ومن أتعس

ماشفنا دور لطفي العبدلي في دور 

ميدو 

في شوفلي حل. والتششتش ما تخلقش من الحيط

خلقوه زوز يعني الفاعل والمفعول بيه 

وفي تونس كل الاطر مشجعة لشيء هذا يعني

فالجيش فالحبس فالمناجم فالبرط في 

السواني في البياتة عرف النجار مع صانعو

سيدي المدب مع اولادو وكيما سبق وحكينا 

الاستعمار زاد في الشيء وهذا في ايطار حب

التعرف على الغير المختلف. وهوني 

نتاكدوا الي الناس الكل كيف كيف كيما اليعملولو

كيما الي يعمل وفما برشا ما يحبوش 

يستعرفوا ويقولوا غلطة والا استحقينا فلوس ...

ويبداو يلقاو في تعلات باش يهربو من 

مسؤولية ولا باش يبريو انفسهو خاطرهم يشوفو

المثلية كجريمة. 

تفكرت باش نحكيلكم على جنينة الستار الي في

شارع باريس الي كانت حكر على تشة 

وحدة وهي الإمبراطورة وشكوني التشة الي تقرب

لاك الجنينة العرش متاع بوها يتنحا 

الامبراطورة هي عبارة عن كائن ضخم الجشة غولة

على حالها وهي كانت تعمل 

تروتوار اما مسكينة حد مكان يتجرء يكملها

وبصدفة الصدف انا عرفتها مرة وحكيت 

معاها واستدعاتني على قهوة وحكايتها تو

نحكهالكم في مقال اخر.

و خليكم توّا مع كلام متقون و مرتب انشاء الله

 يعجبكم

من أنتم ؟؟!!!؟؟؟

من أنتم ؟؟؟ احنا زوز .... احنا الي حلمنا بالحرية والثورة والديمقراطية. احنا العشنا وعششنا فشارع الثورة ايام الثورة. احنا تضربنا المتراك والقاز فرجعنا بالحجر والقلم

احنا الي جرينا وفي عمليات كر وفر في تفرعات الأفيوني.

احنا الي حلمنا بحق كل تونسي اي ان كان ...

ابيض والا اكحل ....

بوزيدي والا جندوبي

مثلي والا ملحد ....

احنا الي قرينا وقراو علينا ... احنا الي ضحكنا وضحكوا علينا ... احنا بكينا وبكاو علينا...

احنا الي على كل وحد حقو مهضوم دفعنا وحمينا...

احنا الي فالشوارع ثرنا وناضلنا وحنينا... احنا الي تمقعرنا وتبولدنا وترككنا...

احنا الشاملين الكاملين... احنا الناقصين الي قد ما شفنا نقولوا مارينا...

احنا الي خذينا فالوطنية 0 حتى كيف كبرنا ولينا صفر فاصل...

احنا الي يعملونا 1000وحساب فعملنا حساب الصغير قبل الكبير ومعاهم الي يدبي عالحصير

احنا الي فالمسارح تربينا وترقينا وفي البلفيدار لعبنا مع الحيونات وجرينا...

احنا الي في كتفنا رشمونا بزوريقة السيزيام وفي الزنقة بأمك طنقو طلبنا عالشتا

سالمة يا سالمة نشالله تروح عايمة

سالمة يا شهلولة نشالله تروح مبلولة

احنا الي قعدنا مع اولاد الوزير وتصحبنا مع القليل

احنا الي كذبنا وقلنا صائمين رمضان واحنا عايشنو في الétoile

احنا الي يدينا للمهبة مدينا وكيف كبرنا لصغار عطينا

احنا الي حفضنا لعلية والصليحة نشيد الأممية غنينا

هبوا ضحايا الاضطهاد ضحايا الجوع الضطرار ...

احنا الي مع موكلي تربينا وعلى سالي بكينا..

سالي سالي سالي.....

وعلى العاتي تفرجنا وعلى شيخ التحيفة ضحكنا وعلى بحكايات العروي تغذينا ...

احنا الي قمنا على فيروز وفالثنية للمكتب تونسنا بسيدي علي ....

العالم يضحك والدنيا تغني والفكر سارح في نشوة فني...

احنا الي تكيفنا اول سيقارو في بيت السطح وبأول كاس كوديا دخنا ...

احنا الي سرقنا كراهب ولدينا...

احنا الحبينا واتحبينا ...

احنا واحنا واحنا ....

اولاد الدغباجي والجرجار

عمنا شكري

وخالنا الحاج

أخوات كل شهيد من الفاضل لسقراط

امنا توحيد بنت عزيزة عثمانة حفيدة الكاهنة وأم الزين الجمالية

خالتنا اك الي تلعب فالخيشة بين الساقين الضايعة

وعمتنا الي تحمش فالطابونة ومخضبة ساقها في حنة قابسية باش تغطي شق الاحفا

احنا توانسا كيفنا كيف كل تونسي

احنا مواطنين موش رعية

بقلم تونسي و هبل

انضمو إلينا على فيسبوك 

https://www.facebook.com/lgbttunisiens

نيكة في السليم

يا معشر التشش انشاء الله تكونو بألف خير ... اليوم 

باش نحكيو عالقباحة و النيك و اللي هوّ ضرورة حياتية و قحبولوجيّة ... توّ برشا باش يبهتو و يقولو فاش يخرّف هذا و فاش يحكي ... أما مالأوّل كلّنا كنّا ضايعين فيها و ماناش عارفين فاش نصنعو ... و ممكن برشا تشتوشات جدد و يحبّو ينيكو اما باش يبدي التلبيز و التخلبيز هذاكا لواش باش نحكيو عالنيكة السليمة كيفاش تصير ... مانيش باش ندخل بلوغة أكتيف و بسيف و ... و ... و هاك الجوّ هذاكا الكلّ 

النضافة ايّ نعم النضافة أهم حاجة و بالرغم أنّ الحكاية هاذي ميش لازمة أما انا نشوف اللي الزوز يعملو دوش قبل النيوك حاجة لازمة و هامة ... أما قبل الدوش فمّا حاجات لازم يتعملو و من أهمهم اللي يتسمى لافاج و هذي حاجة خطيرة مالازمهاش تتعاود برشا ... الطريقة السليمة هيّ يكون الماء في درجة 37 

يعني ملذّذ لاهو سخون و لاهو بارد و سرعتو تكون عاديّة و ماذا بيه يدخّل شويّة برك التيّو (الفلكسيبل) في المخرج متاعو موش يڤعر روحو و العمليّة ماذابيكم ما تتعاودش برشا ... و بعد ما يكمِّل يرتّح شويّة موش طول يمشي يعمل نيكة

مالا قلنا لافاج و ترتيحة و بعدو دوش ... و بعد يبدى البريميلار و الا اللي نسميوه التسخين و المرحلة هذي لازمها تاخو وقتها و أكثر من وقتها كان لزم

و في نفس الوقت اللي تعملو فيه التسخين ماذابيكم تثبّتوا في اللي تنيّك فيه ... عندوشى حبوب في صرمو و الا فى زبّو و تثبّتوا في الشعر متاع بدنو تلقاوش بو فرّاش و الا بغبج و الا بلايص حمر ...  

كان شفتو أيّ حاجة من هاذم و الا أي حاجة غريبة في الزب و الا في الترمة ... ماذابيكم توقَفو الضرب ... و كملها ببونينته ... اجبدها وحدك و انت مرتاح باش تفرّغ و كرارزك ما يوجعكش و النيكة مالازمهاش تكمل و تنصح اللي كنت معاه يمشى للطبيب ... و كانو نضيّف يشرّه ماذابيكم اطّولو في التسخين و بعد كي باش تبداو في الصندي سايسو رواحكم من الأوّل و بعد فتّقو مواهبكم أما أهم حاجة هيّ متريال الخدمة ... البريزرفاتيف (كبوط) و الليبريفيون (الزيت) و كل واحد و الزيت اللي يستعملو ... و باش تتثقفو شويّة قبل أوّل تجربة جنسية ماذابيكم تتفرجو في شويّة أفلام بونو

ههههههه نعرف اللي انتوما تقولو شبيه تقلب دكتور حكيم ... الحق تفكرت أوّل نيكة عملتها كيفاش جات مبلبزة و درا كيفاش ... و زيد سمعت بحكايات عجيبة و غريبة ... كيما حبيبتنا اللي و هي تنيك في حبيبتنا أخري خرّجت زبّها باللوبية ... و حكاية أوطوروت سوسة اللي يشيّش لواحد و بلّعهولو في فمّو أكثر ماللازم و دغدغلو معدتو ههه رصاتلو يردّ  في البولوناز ... و زادة الحكايات اللي تبكّي القلب ... جمعة جمعتين تسمع بحبيبة من حبيباتنا ضربتها السيدا و تبدا فريخة في عمر النوارة و تكمل حياتها بشكارة دوايات

بالله و يرحم والديكم يا تشش موش علي خاطر درجين شيخة تعدّيو حياتكم فى الدوايات و الهم أحمي روحك

 و أحمي شريكك و نيّكو للصباح 

انضمو إلينا على فيسبوك 

https://www.facebook.com/lgbttunisiens

نيكة هيّا الحلّ!!؟؟

ياخي نيكا هي الحل ؟

 نعرف برشة تشش تحب تنيك ( و كل واحد جعبو وهو حر فيه ) وبرشة يحبو حكاية متع ليلة و عدي ، وبما إنو الشي هذا مش متاعي وبرشة كيفي ضهرلي بش نبورو يا سادة ! 

مرة حبيت نسال واحد صاحبي كيفاش تعرف على صاحب (تنسنيس وبرى ) جاوب وقال " نيكنا وعجبتنا الحكاية " !!  تنجموا تحسبوني " أنتيكة ، دغفة ، نية ... و برشة نعوت من هكلقبيل يدكم  !  مانيش مستعد نطيح القيم إلي نمشي بها عند سنين . 

أما ساعات تضيق بيا ونسال روحي " ياخي نيكا هي الحل ؟ "

ضهرلي فما إجماع عند التشتوشات الشابة إلي " تكربيسة " هي شرط مسبق بش تقبض على شريك العمر ولا العام ولا الاسابيع القادمة 

باهي خليونا نوضحو حاجة الجنس عمرو ما كان تسبقة تضمن إلي إنت بش تعيش علاقة عندها معنى أما مننكروش إلي السكس يعاون برشة بش تعزز العلاقة مابين ثنين ، وعلى هذاك ملزمناش نستعملوه ك" طعم " . 

 برشة منا عندهم الرغبة بش تحب وتتحب ! والرغبة هاذي تلقاها برشة عند " التشتوشات الشابة " لين يوصلو لدرجة يجيهم 

MSG ع FACEBOOK ، PLANET ROMEO ، GRINDR ...

  ولا يجيه شكون في 

BAR 

يقولو "  أهلا محلاك " يقولك  ! لقيت فارس أحلامي... ويرمي روحو ! فيق عيش وليدي 

بصراحة ! وهذا رايي ... النيك " المضلل  " هو سبب من الأسباب إلي قاعدة تأكد على الصورة النمطية إلي نلقاوها عند برشة ناس إلي التشة هي عبارة على عاهرة ! ونرجع ونقول إلي هالتشتوشات الشابة  إلي معرفوش وين يحطوا ساقيهم  هما السبب فبحيثو ينيك ليوم مع واحد عجبو أما مطولتش الحكاية يقول نيكني يا داود كان مازلت نعاود أما وينك !! أول زبور يعرضوا تتعاود نفس الحكاية  مرة و ثنين وتلاثة ... لين هالتشة تتقعر ، وتولي منعوتة بالصبع ويمشي زمان ويجي الزمان وتكبر التشة هاذي وتولي تطيح تشتوشات الجيل الجديد ويتعاود نفس السيناريو مرة أخرى . 

 و قبل ما نشبع سب على الكلام إلي قاعد نقول فيه j نحب نوضح حاجة : كيف نقول تشتوشات شابة نقصد المراهقين ، أي مابين 13 سنة و 19 برا نقولو 20 ميسالش خاطر تبدا عندهم الشهية الجنسية محلولة تبركالله  وتتخلط عليهم الأحاسيس . مفما حتى مشكل إنو يكون عندك شهوة جنسية إذا كان كل واحد مسيطر عليها ويعرف وقتاش يشد روحو ويلم ساقيه !  المشكلة مش فالشهوة أما المشكلة إلي هي فالعباد إلي ماشي فيبالهم إلي "   الحب هو أثر لاحق من الجنس "  خاطر الفكرة هاذي غالطة . 

كل واحد فينا عندو مفهوم عن السكس يا جماعة !

1 - فما إلي يراها كفازة يعبر بها على ثقة بالشريك.

2 - فما عباد تراها كوسيلة ترفيه.

وانيك حاجة الزوز هاذم يطيحوا ببعضهم خاطر بش يتحشى الواحد منهم وعادةً مايكون التشة البلهاء نومرو 1 

أما ميسالش برا برك ندزو في طيش متع صغر أما تعلم وفيق على وضعك . 

الحاصل حسيت روحي دخلتها بعضها !! منطولش عليكم 

عمرك ما تتنازل على القيم و المبادء متاعك بش يرضى بيك شكون ولا تطيح زبور . شد صحيح في أفكارك " الانتيكة " ونيك أمها خلي يقولو اش يحبو إلي بيه الفايدة تاو يجيك وخلي شخصيتك قوية 

خدم مخك ، إذا متحبش تنيك قول لا ها زبي ومتحشمش  وإلي بيه الفايدة يحترمك ويفهمك

وكيف ميقولوها 

You’ll know when you’re ready, and don’t let anyone ever make you feel bad for who you are.

Banz'art'y 

انضمو إلينا على فيسبوك 

https://www.facebook.com/lgbttunisiens

حمام الشفاء ... شارع الحبيب بو رقيبة ... محمد الخامس (الجزء الثانى)

عاد قلنا في المقال متاع البارح الي حمام الشفاء والى يلم حثالة القوم وسقط المتاع اما هذا مايمنعش الي هو يخدم ويملا ويفرغ بالخلق وسي مولا الحمام مايليل االيل كان بكاسة مليانة. وفالحمام الناس الكل عرايا الي بفوطة والي بشورة والي بكلصون (والكلاصن انواع و من أهمّهم كلصون بريكة) والجماعة تبقبق فالماء والعينين تلعب وكان فما فوطة فوق الباب اعرف راهو فما زوز يمارسوا فالجنس وساعة ساعة تسمع ااااااااااااه والا احييييط ولا شويييييتني 

ً و فى الحمام فما زادة طبقات اجتماعية اما الطبقات هاذم موش كيما طبقات العالم الخارجي فما القحاب لقدم الي خلطوا على فزدقة وبندقة حيين  معناها القحاب الي عمرهم فوق ال50 الي عداو ليالي حضر التجول متاع احداث الخبز في الحمام والجماعة هاذم يقدروهم ويعملولهم 1000حساب. وفما العروبة الي هوما نساء الحمام ديما مطوعين في تنظيف الحمام هكاكة عندهم غرام بالقضية والنظافة يبداو يميلوا ويستعدلوا فالحمام تقول في وسط دار بوهم وديما عندهم العرك والمشكلة و الحكاية (خايضين كدار العرس) والجماعة هاذم الي سميتهم البرمائيات لاهيين كان فى النقى والا طرح حواجب والا صبيغة تلقاهم تي حتى من حنة حناو.

وفما طبقة الاليفة الي لا يخبشوا لا يدبشوا يدخلوا للحمام يقعدوا باهتين النقا والحواجب لين ينساو الي هما جايين عليه. واطفارة سيدي خويا انواع فما الي عندوا غرام من غير ابعاد مادية وهذام يكملوا حياتهم كي صاحباتنا الي يحنيو. وفما الجقوالة ألي هوما زادة يتقسموا على زوز الجقوالة الي عندهم طريفة فيكس وفما جماعت هات الي كتب و كلّ تشتوشة تاكل ما كتبّلها و بعد تخرج لجول فيري (الحبيب بو رقيبة).

قهاوي الحبيب بورقيبة في التسعينات كانوا التشش مغرومين بمقهى باريس في العشرة السنين الاولانين متاع القرن الحالي تقسموا بين بانوراما و الشانزيليزيه   وبعد ماالبوعزيزي لعب ببزولة فادية وهي قتلو لعرب رحلت (الضرب بالكفّ) والبقية تعرفونها سواد ومداد التشش تفرتو كيف الجراد في كامل قهاوي الأفيني. وفما بلاصة اخرى ... الجنينة الي تعمل الشوكة بين الحبيب بورقيبة وجون جورس فما الي يسميها جنينة الهمل وفما الي قوللها جنينة بو منديل على خاطر البضاعة الي فيها اقرب لسلعة بومنديل وتتفكروهم جماعة هات الي كتب متاع الحمام تلقوهم منشرين كيف الجلود في الجنينة يلموا فالي كتب ومساكن فالشتاء مغروقين والصيف محروقين اما اش يقول الميت قدام غاسلو الخبزة مرة والعمر الافتراضي للجقوالة ما ينجمش يفوت ال15سنة

والجماعة هذوم منسين ومايتفكروهم كان في اخر اليل وماكم تعرفوا المسار العادي لتشة العادية تبدى بالفتراضي على المواقع الخاصة وكان ما فما شيء يتعداو للمباشر وكان مافمة شيء يتفكرو في اخر الليل الي فما ديما شكون في اك جنينة المغبونة. والتبزنيسة تكون مزروبة العنين تخدم والملقا والبيع والشراء قدام سياج البنك العربي بتونس

و للي عندهم ذاكرة زادة شارع مُحَمَّد الخامس اللي كان في عزّو من آخر التسعينات حتّي لثورة البصّ. ... وأعزّ أيّامات محمد الخامس كانت حسب رايي المتواضع مابين 2003 و 2011 و كانت كلّ تشّة بنخلتها بإسمها ... و اللي يجي جديد يحبّ عالرزق تدور عليه المشامية و يطرّدوه مالنخل بفضيحة ... و ترصّيلهم شادّين محطّة الكار اللى بحذى بارك الترجّي و الا جردان دامور ... و من غير ما نحكي عالحاكم اللي ياخو في الفلوس من عند التشش باش ما يقلّقهمش برشا و هوّا قدّام العباد يسبّ و يتقوحب و من داخل يبدي شاهي نيكة ... عشنا أيّامات حلوّة فيها اللي يبكّي و اللي يضحّك اما كنّا في خير الخيار ... لين جات ثورة البصّ ... و مُحَمَّد الخامس ماللي كان أأمن بلاصة للتشش ولّات بلاصة خالية مخليّة منهم و برشا من صحابي تبراكاو و كلاو الضرب ... أما يا ضالم يجيك يوم ... آه يا حسرة ... الواحد كي يتفكّر هالأيام و يشوف حالتنا توّا تجيه البكية بالشهقة

نعرف كى تقراو هالخرّافات اللي نكتبو فيهم فمّا شكون فيكم اللي يضحك و اللي يبكي و اللي يتفكّر صغرو و اللي زادة يبهت و يكتشف لأوّل مرّة في حياتو حاجات جديدة ... و فمّا زادة اللي جايبها تشّة مناضلة و يتنرفز ماللهجة اللي نحكي بيها ... هاذوما نحبّ نقلّهم يا همل راني اللي عشتو و شفتو و حسّيت بيه كتبتو ... و التقسيمات متاع قحاب و تشش بو دورو هاذم زعمة انا خلقتهم ؟؟ تي انا متأكّد اللي أي عبد يلوم عليّا اللي أنا نكتب هكّا هوّا بيدو يحكي بنفس المنطق وإلا أتعس و الحقّ بيني و بين روحي نكرّز كي كلّنا نحكيو بالمنطق الزبالة هذا ...خاطرنا كيما قلت في مقالات اخري قبل هذا كلّنا فرد صحن و اللي يمسّ عبد يمسّنا الكلّ ... هيّا توّا من تونس المدينة  باش نخرجو شويّة و نمشيو للمنار و النصر و قرطاج و المرسي ... و بعد ندورو من بنزرت لبنقردان و كلّنا نعرفو كلّ بلاصة و تاريخها و بلايصها و مشاهيرها ... يتبع

مقال مشترك بين أبو نواس التونسي و "تونسي و هبل"

انضمو إلينا على فيسبوك 

https://www.facebook.com/lgbttunisiens

تشّة ماذا أَيُّهَا الأبله !!!؟؟؟؟

مشاركة من عند صديقنا "تونسي و هبل" مشكور

يا حصان يا خنثاوي يا قوم لوط يا موش راجل يا ..ويا ... و يا... اما أحسن كلمة هيا يا

 تشة وكلمة تشة هي جايا من تشتيش يعني اك الحس الي نسمعوه كيف نقليو حاجة كيما تقول اك الغنايا الماسطة (والقطوس يمشمش والطاجين يتشتش ...) والتشش في بلاد 90٪ من سكانها تشش فيهم برشا انواع سيدي خويا. 1:التشش الشانعين الي كان موش القانون وقلة الفلوس رآهم ولاو نساء (روب و شعر و حواجب وفما الملية والحرام وكل تشة و جهدها) ومن أشهرهم العضيمة رشيقة الي اختارت باش تكون أميرة خليجية والا هيفا الي عايشة دور مرا بورجوازية في روبة سواري وفورير وشابو بالريش وقواندوات مبر ...

وفما ما يعبر عنهم بالتشش السوفاج الي كيف تشوفهم تقول رجال اما يلبسوا محزوق يحكيو بالمؤنث (ماشيا جايا راقدة قاعدة ....) وعندهم أسامي قريبة برشا اساميهم الي في بطاقة التعريف كيما لطفي لطيفة رامي رملة حلمي حليمة راغب رغدة ... وهاذم لا جاو رجال لا جاو نساء خاطر كيف يبداو قاعدين في قهوة من قهاوي الحبيب بورقيبة يزعزعوها بالضحك وتمقعير واهم حاجة التقطيع والتريش والناس الي دايرين بيهم موش فاهيمين شنوة المللة متاعهم الهية هية رجال والفعل فعل نساء وكيما يقول اك الراجل ماهم فاهيمين كوعهم من بوعهم ونوع هذا من التشش مشهور بالعرار والمشاكل والنفاق تراهم يتباوسوا وتقلك صحبتي والي يخطف الدورة العرش متاع بوه يهبط حشيش وريش...

وفما نوع اخر اي لاعبينها سكريتو وهما في وجوهم مكتوب عليهم التشتيش وهذم أكثريتهم عندهم سكيزوفرينا وتلقا أغلبيتهم عندهم خدم حساسة والا يخافو اما كيما يقول المثل: المتعوس متعوس ولو علقولوا فوق راسو فانوس. خاطر لايعيشوا ولايتفرهدوا كيف الناس خائفين لا يتفظحوا اما هوما مفظوحين خلقة.

وفما نوع من تشش الي موش معروف وهذوما يتقسمو على زوز البرية الي معتكفين فالبلفيدار بين الشجر والبرمائيات الي من حمام الشفاء مايخرجوا كان باش يكلوا شاباتي خاطر حق سندويتش اسكالوب يخلصوا مرتين حمام وهذوم مايقلقوش خاطر عندهم كليانتتهم وعالمهم الخاص ومايحتكوش بالعالم الخارجي والنوع هذا مستواه التعليمي مايوفتش السنة رابعة جيم

وفما التشش الكلاص والا الي يعيشوا دور الكلاص وتلقهم قراب للفنون والمسرح والسينما خاطر قراو زوز كتب وتفرجوا على رواية والا حارة أفلام donc ils se prennent pour des cultivés et des artistes 

. وهذم يتلموا في الديار ويمشيو لل 

boîte de nuit.

في تونس نجموا نلقاو 1000نوع متاع تشش أما الكل فرد بانو و كلّ واحد يغنّي علي موجة ... منتوّعين و مختلفين و الشيّ هذا عادي و اختلافنا هوّ سبب ثراء متاعنا و بالرغم اللي آنا مانيش مع التقسيمات من نوع كلاص و السنة رابعة دلّ كيما صديقنا اللي كتب هالمقال أما انا وأيّاه متفاهمين علي أهمّ حاجة ... هيّ اللي باش يمسّ الشانعة هوّ نفسو اللي باش يمسّ الكلاص هوّ نفسو اللي باش يمسّ الناس الكلّ خاطرنا كلّنا بدن واحد و كلّنا ثنيّنتنا وحدة. نشالله كل تشتوشة تفهم روحها وتختار ثنيتها الصحيحة.

وأنّستو

"تونسي و هبل"

انضمو إلينا على فيسبوك 

https://www.facebook.com/lgbttunisiens

جمهورية تشي.تشيلندا العضمى

   هيّا قلنا السلام يا معشر التشش ... شنيّة ؟   ماعجبتكمش الكلمة ؟؟ عادي امسحوها فيا  و خليّنا نحكيو شويّة علي دولة تشيتشيلندا العضمى .. شنيّة ما تعرفوهاش زادة ؟؟ هوّ صحيح نعرف اللى هيّا ميش موجودة لحدّ الآن .. أما شكون يعرف آش ينجّم يصير  من بعد ... أما نتصوّر حتّي كان ما تعرفوهاش أكيد كلّ واحد منّا جاه نهار وتخيّلها في مخّو قبل ما يرقد ... بحر و شمس و زبابر و بلاد كاملة ما فيها حتّي حدّ يسبّك و الا يتشوحرلك و الا يقلّك هاك الكلمة المنيكة اللي الكل سمعناها ... أما باش تكون بلاد كلّها تقلقيل ههههه ... كلّنا تخيّلنا هالجنّة .. أما زعمة ينجّم يجي نهار و هالحلمة تولّي حقيقة ؟؟

هيّا نفرّكو هالرمّانة مع بعضنا .. قبل كلّ شيّ و كي العادة نفكّرو العباد بشويّة مصطلحات : دولة، بلد، أُمَّة 

البلد :  منطقة جغرافية.

الأمة : ناس تجمعهم اعتبارات مشتركة اصول وتاريخ.

الدولة تشير إلى مجموعة من مؤسسات الحكم ذات سياده على أرض وسكان محددة

هايل برشا ! مالا نبشّركم يا سادة يا مادة و للي ما يعرفش اللي أحنا أُمَّة ... ايّ ايّ أُمَّة 

باش تقولولي كيفاش؟ ساهلة برشة .. قلنا اللي الأمّة هي أفراد تجمعهم قواسم مشتركة كيما تاريخهم و أصولهم و ... هانا باش نشوفو قدّاش من حاجة تجمعنا !

نبداو بحاجة هامّة باش يتقال علينا أُمَّة و اللي هيّا التاريخ .. واللي هيّا حاجة ضاهرة و ميش مستحقّة باش نفكّركم بيها ... الناس الكلّ تعرف اللي أحنا موجودين من أوّل الدنيا و الدلائل برشا في اللوحات الفنيّة القديمة و القصص و ال.. وال... و حتّي في الكتب السماويَّة 

نجيو لحاجة أخري تجمعنا و هيّ المعانات المشتركة و الوصم و التمييز اللي تعرّضنالو من أوّل الدنيا و منغير ما نحمّملكم قلوبكم نقول في كلمة وحدة صار فينا المسخ ... و زادة من الحاجات المشتركة هيّا اللي نسمّيها انا حركات التحرير اللي صارت في برشا بلايص كيما هولاندا و النمسا و سويسرا و كندا و أمريكا و .. و .. و خاصة العاقبة لينا و الي  التشش بعدها تحرّرو و خذاو ولو جزئيا حقوقهم

و زادة برشا قواسم مشتركة اخري الحقّ ماعنديش الجهيّد باش نقعد نسمّي فيهم الكلّ

أُمَّة و الا موش أُمَّة يا متعلّمين يا بتوع المدارس !!؟؟ 

و حاجة أخري أحنا موجودين في كلّ بلاصة ... تلقى المحامى و المهندس و البناي و الحجام و النجار و الوزير ... وين تدور تلقانا  !

 ايّ هانا أُمَّة و انّجموا نعملو كلّ شيّ و موجودين في كل المراكز آش ناقصنا باش نعملو دولتنا وحدنا ؟ الأرض ؟ أما قبل ما نحكيو عالأرض نحبّ نسألكم شويّة أسئلة 

زعمة كي نعملو هالدولة باش تكون برّسمى جنّة ؟؟؟

و اللي عملو دول وحدهم كيما الدواعش و الصهاينة خير منّا ؟؟

زعمة كي  نعملو هالدولة ماناش قاعدين نعزلو و نوصمو في رواحنا ؟؟

أحنا ناقصين أعداء و نزيدو؟ 

تعرفوش كيفاش ... هانا أُمَّة توّا ... و للحديث بقيّة 

نحبّ نشكر برشا صديقنا عبدو عالتصاور .

انضمو إلينا على فيسبوك 

https://www.facebook.com/lgbttunisiens